السبت، 12 مارس 2011


نعساااااااانة حد المووووووت


عندي شغل ما سويته ولكني مب متوترة مثل كل سبت على أساس أن باجر اول يوم في الاسبوع ، تعلمت اخذ الأمور ببساطة واللي فيها فيها يا عمي =]

ما فيني ابداع بس حابة اقرقر شوووي ، خخخخ تذكرت الهنود لما يعصبون يقولون: ما في قرقر واجد هههههه

البارحة سرت كافور واشتريت سبراي منظف لجلد مقاعد السيارات ، و سبراي للرنجات، وسبراي لصبغ لسيارة، وسبراي للزجاج، ومعطر للسيارة، و مساحات تنظيف صغار، و ورنيش، ومن الصبح شمرت عن اكمامي ونظفت ابو اللي ياب سيارتي لين ما صارت تلمع، خخخخخ احسني اريد اسوووقها الحين :) فديتها والله سيارتي احبها توني الا حبيتها لأن ابوي جبرني ما اخذ الا سيارة بيضا وانا كان خاطري في اللون الأحمر، فحقدت عليها فترة بس الحين احبها...

وبعد ما خلصت خذت شاور و استخدمت عدة يديدة يبتها من كارفور البارحة كلها بنكهة المانجو اسميني حبيتها، احب قسم الشامبو والصابون والكريمات في كارفور، كل مرة اسير اخذ منه شي يديد، لأن ال "استحمام" مب شي روتيني بالنسبة لي، لا هذا هواية بكل معنى كلمة هواية من معنى، أحبه واستمتع فيه حتى يوم اكون متضايقة اتسبح على طول ما اعرف ليش خخخخ....

المهم بعد ما خلصت عمليتي تلميعي انا وسيارتي انتقلت لغرفتي اللي ما تحس بالأمان والحنان الا يوم السبت، ورتبتها ونظفتها ارووووع ما يكون و هذا ويهي لو جافت نظافة طول الويــــــــك، الكبت المرتب بيتحول إلى ركام في يومين والكتب المرتبة بيروح واحد منها في شنطة ايدي والثاني فوق سريري والثالث على الأرض لأنه بيطيح من ايدي وانا اقراه لين ما انام، والوايرات المرتبة بتتحول إلى شبكة عمك ابوك، قصي عنكبوووووت خخخخ الرقاد مأثر....

احسن لي ولكم اني اسير و احضت ماي سرير فديــــــــــــــــــــته يعلني ما أخلى منه ليــــــــــش النوم لذيــــــــــــــــــــــــــذ جي ما أعرف، ألذ حتى من الايسكريم بالفراولة خص يوم حد تعباااااان، يالله الى اللقاء



والله اني مب مركزة ولا فاهمة شو اللي كتبته انشالله باجر بمسحه

سي يو



هناك 21 تعليقًا:

حــبــر ورقــــ ! يقول...

رحيل شو شاربه بسرعه اعترفي

ههههه

بالعكس احس اللي كتبته كتبتيه بشكل عفوي

حبيييت تدوينتج

اجوفج وايد مهتمه في تليمع السياره هع هع العاده هالاهتمام دايما يكون عند الشباب


^__^

نوم العافيه حبيبتي واسبوع ممتع في العمل ان شاء الله << قويه

هههههه !!

أخـت فـى الله يقول...

نعستينى يا رحيل :D

سهـــل يقول...

كالعاده تحذفين افضل تدويناتك (:

ٌرحيـــــــــــــــــــــــل يقول...

خلاص ما بحذفها شان اتذكر عبطي فالفيوووتشر

حبر وورق اليوم غبت هالاسبو في المل ممل خخخخخ

شو اخبارج ويا الامتحانات؟؟

أخت في الله خخخخ حتى انا يوم قريت الموضوع مرة ثانية ياني الرقاااد

سهل خلاص لن احذفها للذكرى :)

سهل واخت في الله متـــــــى عرسكم؟؟

أخـت فـى الله يقول...

إنتى يناسبك إمتى يا رحيل؟
مش لازم اقول إنك معزومة طبعا :D :D
لسه اليوم متحددش بالظبط..بس نتمنى من الله انه ميزدش عن شهرين تلاتة بالكتير..والله الموفق :)

سهـــل يقول...

في حالة نجاحي في صد كل محاولات اخت في الله يبقى ان شاء الله 5/26

ٌرحيـــــــــــــــــــــــل يقول...

مبرووووك مقدما وعسى الله ان يطرح فيكما البركة وفي ذريتكما و أن يتمم كل شيء على خير :)

أخـت فـى الله يقول...

محاولاتى فى ماذا يا سهل؟
إشهدى يا رحيل :(
أنا معملتش حاجة أهو :(((

خالد علي يقول...

ههههه نفس الشي عندي طقوس الحمام شي ثاني هع هع بس انا ما احب المع سيارتي خخخخ
والمهم كلام جميل وعفوي وعساج ع القوة .. وما احلى الاحلام بعد يوم حافل ^__^

ٌرحيـــــــــــــــــــــــل يقول...

خخخخخ اخت في الله اعترفي احسن لجن شكلح غيرتي رايج ولا شالسالفة ؟؟ عاد بخبرج سهل عريس لقطة ومثل ما فهمت انتم قرايب، ما يصير تزعلينه وتأخرين العرس.

ٌرحيـــــــــــــــــــــــل يقول...

خالــــــد،

بصراحة تنظيف السيارة ممتع مثل الاستحمام بالضبط خص اذا تحب سيارتك وبينكم صداقة من بعد عداوة مثلي انا وسيارتي :)

أخـت فـى الله يقول...

سبق السيف العذل يا رحيل على تغيير الرأى..ولا زعلته ولا حاجة..حتى إسأليه

ٌرحيـــــــــــــــــــــــل يقول...

يالله يا سهل نبا تفسير

سهـــل يقول...

انا بخبركم (:
الموضوع وما فيه وباختصار ممل .. اخت في الله كانت عايشه في بلاد العجائب مع اختها آليس حيث الرجال كائنات ملائكيه لا تخطأ ولا تستحدث من العدم

وكل السالفه اني اعدتها مرة اخرى الى كوكب الارض .. بس , يعني في فترة خطوبتنا اخطأت في حقها حوالي 18 مره فقط لا غير .. خمسه منهم مصايب مسيحه , وخمسه تانيين احباط و اربعه وعود لم تتحقق والباقي مشكل .. وعملاها شغلانه .. بنااااات

ٌرحيـــــــــــــــــــــــل يقول...

5 مصايب مسيحة والحرمة بعدها تباك؟! صراحة يا اخت في الله انتي انسانة متسامحة ، هذا وبعدكم فالخطوووووبة، اخخخخخ انا شو قاعدة اخربط خل اكون محضر خير عقولتكم ، بس ما هقيتها منك يا سهل ثاااريييك موووو سهل ابدا!!!

أخـت فـى الله يقول...

أشكرك يا سهل على الخدمة هذى :)
..
هههه رحول عسل خالص .. أنا متسامحة وهو برضة بيستحملنى :)

سهـــل يقول...

ههههه
رحيل التهييس(1) كان في التدوينه وفي الردود بعد ..

---------
بالفعل هي انسانه متسامحه وتتحامل على نفسها ولا احد من اهلها يعرف اي خطأ من اخطائي رغم ماتتكبده من معاناه..

------------
الهامش

(1) التهييس : حالة من البلا بلا بلا دون حسبان للعواقب الوخيمه التي تعقب هذه البلا بلا بلا ولا احد يعرف سببها
وكيف تبدأ ومتى تنتهي ):

alirbidi يقول...

حلوة التدوينة هذه خصوصا إنها عفوية و بالإماراتية .
دمت بخير إن شاء الله
و اللون الأبيض حلو :)

ٌرحيـــــــــــــــــــــــل يقول...

خخخخخخ مثل ما قلت طلعت مب سهل يا سهل، يالله الله يعينج يا اخت في الله :) وما عليه انا متاكدة انه يحبج واااايد وقاعد يتغير عشان هالحب ويكفيه انج زوجته وام عياله المستقبليين ^.^

ٌرحيـــــــــــــــــــــــل يقول...

الإربدي مشكووور وايد، هيه صدقك حتى انا بديت اقتنع فيه مع اني بعدني اشهق لما اجوف سيارة حمرا ...

εïз◦جواهر بنت عبدالله◦εïз يقول...

رحيل جبتي العيد


وصرتي خربط خربط


لا عا تعودينها نام وانت بعيدة عن الجهاز والمدونه


<<<اتريق