الجمعة، 1 أبريل 2011

اليوم طلعت حرتي في الناس... خخخخخ لأول مرة استوي شريرة، كل القهر اللي فيني طلعته وكل هذا بسبب الشيخ اخوي والحمدلله انه طلع الشر اللي فيني ...

البداية كانت مع اخوي العزيز وراعي المعيز... أخوي هذا خاااااااق على شو ما اعرف ، دومه رافع هالخشم على أقرب الناس له وطبعا بكانا بدال الدموع دم ايام عرسه فوق ما كنا مرتبشين عشانه، المهم هو ساكن في ملحق فبيتنا ، واليوم كنت سايرة ازقره هو وحرمته يشربون جاي حليب ويانا في الحوي، وسرت عند بابهم ولقيته مفتوح ومع ذلك ما دخلت تميت ادق وجان اييي ويعصب علي ويقول لييييييييييييييييييييييييييش فتحتي الباب وعطاني محاضرة وصك الباب فويهي، ...

تميت مصدومة واطالع الباب ومب مستوعبة، ولما استوعبت تميت مقهوووورة كيف ما رديت عليه، وتميت اتذكر كل المرات اللي غلط علي فيها وسكت له احتراما مب خوفا، و الوالدة تمت تضحك علي وتقلي يزاااااج واقل من يزاااااج،...

المهم سرنا عرس ولأن وحدة من العرايس بنت خالتي والمعاريس عيال عمتي حضرت غصب عني ولا مالي خاطر خص عقب موقفي مع خيوووو، وجان ما اطنش كل الناس اللي طول عمرهم يطنشوني ولا قمت اسلم على ولا حد غير اللي يعبروني في العادة و غير بنت خالتي لأنها العروس، والكل كان مستغرب ليش انا جي، في العادة أقوم والف واسلم عاللي يسوي لي سالفة واللي ما يسوي لي سالفة، مالت عليهم خلاص كنت واصلة حدي اللي ما يبانا ما نباه والطيبة الزايدة تنفهم على انها خفة و سذاجة، ...

المهم في السيارة
قام اخوي يتفلسف علينا ويتعنتر جدام هز وايف ويتمسخر علينا، وجان ما أعصب عليه، وقلتله ايييييييي علمن يوصلك ويتعداك بيتك يحرم علي ليوم الدين (خخخخ دومي اسمع هالجملة في المسلسلات ما هقيت اقولها في يوم) وانت ما فيك مذهب ومرة ثانية اذا ما تبون حد يدش عليككم اقفلوا بابكم لا تخلونه مفتوح عن حد من اخواني الصغار يدش وتصفعونه ، وجان يعصب ويقلي انتي ما فيج احترام، وجان ما اعصب واقله جب جب جب ياللله من زووود الاحترام اللي فيك، مالت علييييييييييييييييييييييييك وكل ما قال شي قلتله مالت عليك، خخخخخخخ اسميني عقبها ارتحــــــــــــــــــــــــــــــــــــــــــــــــــــــــــــــــــــــــــــــــــــــــــت، ومعنوياتي ارتفعت ، مرة ثانية ما بسكت بعبر عن مشاعري اول بأول ، التعبير عن المشاعر وااااااااايد مريح لو ما عبرت عن مشاعري جان نمت وانا متغصصة وهو ولا داري ، الحين العكس صحيح خخخخخخ...

هذا لا يعني اني ما احب اخوي بالعكس بس اذا الواحد تم يشيل عالواحد المحبة تقل ، وبما اني عبرت عن مشاعري رديت احبه ♥ بس هو شكله كارهني اليوم (ضحكة شريرة).

هناك 6 تعليقات:

سهـــل يقول...

تقولي رديت احبه وترسمين قلب بعد هههههههه .. طيب ايشلون تبي تسوين لو كنتي تكرهيه ..

كمان السالفه كانت جدام حرمته حليلك .. مب قادره تستني .. قليل لو ما كان يسن الان سيفه ويحضر جيوشه للهجووووم (:

امال الراجل يرسم نفسه و يتحنطر ويتحنكر ادام مراته على حساب مين غير اخته وامه

سعيد لفرحك ولفشة خلقك في العرس وفي السياره .. دوم ان شاء الله

ٌرحيـــــــــــــــــــــــل يقول...

سهل فاجأتني ماشالله عليك خلاص يبالنا نعطيك الجنسية تتكلم احسن عني خخخخخخ بعد :)

شكرا لفرحك لفرحي ، ولو اني كنت شريرة ^_^

alirbidi يقول...

" رحيل شريرة " لا و مبسوطة كمان هههه
أنا مبسوط عشان فشت خلقك بالعرس ، بس مع أخوك اعترض ، يعني أنا ما بقبلها من أختي .
أنا لما كنت اعصب على أختي كنت اقلها ما رح افوت دارها ، و هسا قديش بنضحك لما نذكر و حنا صغار .

دمت بخير و أهم شي تكوني أنت مبسوطة و لا تسألي عن الناس .

ٌرحيـــــــــــــــــــــــل يقول...

الأربدي:

خلاص تصالحنا خخخخ :) بس وايد ارتحت حلوة فشة الخلق !

heart moon يقول...

هههههههه زين سويتي كلمة الحق ما ينزعل منها ..
والله يهدي اخوج ويوفقه لكل خير ..
^__^

εïз◦جواهر بنت عبدالله◦εïз يقول...

زين فيه لا تقعد في خاطرك ..بس الازين انه ما غلطتي عليه بشيء

فدية الشريرين والضحكة الشريرة ..

ذيك حقت المسن..
مواهاهاهاهاها ..

ترا حيل تضحكني هذه الضحكة