الأحد، 21 أغسطس، 2011

حياتي هاليوميــــــــــــــــن أكشـــــــــــــــــــــن، رحيــــــــــــــــــــل تتحدى الملل


أول شي من حوالي أربع أيام تعرضت لحادث أليم ، لا تخافون ليته حادث سيارة، أخوي السخيف الله يهديه ويسامحه و يسخر قلبه لي واللي عمره 22 الله يرحم يومكنت أبدل البامبرز ماله، تم يعايرني عانس وعانس يوم كامل بحقد وبأسلوب عصبي بدون سبب حضرته مكتئب ومطلع اكتئابه علي أنا وأختي الثانية وأخوي اللي فكي جي، ويوم يلسنا عالسحور كلما أقول شي يقول كذابة بعصبية، لا ويقول انتي ما تخافين الله تكذبين وقت السحور، قلتله: “حتى أنت تراك تكذب يوم تقول أشهد أن لا إله إلا الله و ما تصلي”





 blogger-emoticon.blogspot.com، جان يقول:”شو يعني أنا كافر؟؟” وكب قلاص الحليب وهو حار على ويهي blogger-emoticon.blogspot.com وبعدين رمى القلاص بقوة بس ما صابني انكسر على الأرض فتطاير الزجاج ودخل في أنحاء متفرقة من جسمي blogger-emoticon.blogspot.com ولكن بفضل من الله وبمساعدة من ميم قلب قلب وين وين هديت ومر الموضوع بسلام مع تعهدي لميم بعد الكلام مع الشيخ أخوي عشان يتأدب ويحترم نفسه لأنهم تعودوا أني أعصب بس أسامح بسرعه فتمادوا



بالنسبة للأخبار ما أجوفها بس أقراها من النت ، لأن اليوم اللي أجوف فيه الأخبار ما أنام ، الأخبار وايد بشعه وتحسسني بالعجز ، فلا حول ولا قوة إلا بالله ….
أولت البارحة كان يوم غريب من أوله لآخره وأنا كنت مب مستوعبة الحياة لأن فبدايته كتاكيتنا ال3 ماتوا ونفس اليوم ماتوا 3اخوان شباب أمي تعرف أهلهم في حادث ، طبعا مافي مقارنة بس أنا بصراحة وبدون كذب حزنت وايد على الشباب وعلى الكتاكيت في آن واحد ويمكن تعتقدون أنه لازم اني ما اشمل الكتاكيت بحزني بس هذا هو شعوري بكل صدق… لأن الكتاكيت أول ما يوا بيتنا كانوا وايد صغار ويوم أكلتهم القطوة أولة البارحة كانوا كبار وكانوا كله يمشون مع بعض وأحيانا يتسللون ويهاجمون سفرة الفطور وكانوا وايد يحبون الهريس ، وكانوا وايد يضحكوني وكل يوم العصر أيلس استهبل وياهم… بصراحة يوم جفت مكانهم خالي فقدتهم…
واكتمل أولت البارحة بأني شايفة الأخبار وبعدني أرثي كتاكيتي ،و لقيت اختي اللي عمرها 16 تبكي blogger-emoticon.blogspot.com طلع أخوي الشيخ اللي في العشرينات خانقنها وبغى يموتها، وبالغصب فكوه منها نفس الشي لسبب سخيف، أنا أصلا مزاجي حزتها كان شي غريب، وكنت بعدني حاقدة عليه، فجأة لقيت نفسي أركض صوبه وأنا معصبه وأقول بصوت عالي نفس الشباب blogger-emoticon.blogspot.com : “إنت إييييييييييييييييييي” ويركضون اخواني الشباب وأمي وخواني يمسكوني والللله ما قدروا هم ماسكيني وأنا بطير من فوقهم أبا أوصله، وهو جيييييم في مكانه من الخوف blogger-emoticon.blogspot.comخخخخخ، والله الكل ماسكيني ومب قادرين علي، وفجأة أخوي الخقاق في العادة باسني على مقدمة راسي وترجاني أهدى، من الصدمة وقفت وحسيت بدوخة blogger-emoticon.blogspot.com خخخخ لأن هالشي أول مرة يستوي في حياتي خخخخ مب ويه حنان ثاريني مقصة وأنا ما ادري، ما كنت أعرف أن الطيب يأثر فيني بهالطريقة blogger-emoticon.blogspot.com، والشيخ هرب!! خاف مني يوم جافني متوحشة ومحد رايم علي معنه فالبداية كان يبا يضارب!! المهم جي حسيت نفسي جي احم احم يوم شرد وبردت حرتي تجاه كل شي كان مضايقني blogger-emoticon.blogspot.com
ويوم حطيت راسي بعد صلاة الفجر برقد ياني مسج طويييييييييييييييييل يغث اللي ما ينغث من حرمة أخوي blogger-emoticon.blogspot.com على سبب تااااااااااااافه، جان ارد عليها باقتضاب اشرح لها سوء الفهم ومن بعدها سويتلها أكبر طااااااااف blogger-emoticon.blogspot.com ، خلاص بس لاعت جبدي ، وصلت مرحلة ما أقدر أتحمل أحد، وصرت من أجوفها أبد ما أكلمها ولا أرد عليها مع أني ما أحب أكون جي لكن خلاص وصلت مرحلة تعبت فيها من التنازل باسم التسامح ، مخزوني من التسامح خلااااااص بححححححححح قيم أوووووفر، خلوني فترة أشحن بطارية التسامح عقب يصير خير خخخخخ….. هو أنا مسامحتنها بيني وبين ربي ومسامحة كل الناس، لكن قدرتي على الأخذ والعطاء مع الناس انتهت، ما عندي طاقة ، أحسه شي منهك ومتعب، عسب جي باخذ بريــــــــــــــــــــــك ابتعد فيه عن الناس وأستغل العشر الأواخر وأدلع نفسي شوي blogger-emoticon.blogspot.com.

هناك 3 تعليقات:

سهـــل يقول...

نصيحة ميم قلب لكِ ( تعلمت من اخت في الله كيف ارسم القلب على الكيبورد لكني نسيتها لربما كانت هكذا <3 سأرى هل ستنجح بعدما ارفع الرد ) نصيحتها في محلها جدا لان عليه الا يجعكم منفذ سهل يسقط عليه ضغوطه ومشاكله , هل تشكرين ميم "أكبر من + 3" كونها انسانه كريمه وعاقله

ٌرحيـــــــــــــــــــــــل يقول...

سأشكر ميم قلب قلب وين وين :) وستسعد بذلك ^^

وشكراً لك ولأخت في الله، هلا بلغتها تحياتي وقبلتها بالنيابة عني ;)

مَيْ يقول...

.. أعانكِ الله ..~
فلتكثري اللهم اهديهم و اصلحهم
و اعني عليهم ..
__ ما أجمل الابتسامه هههه لكن اخشى تقهرهم !!!
.. انتظر تعليقك في مدونتي _ حياكِ الله
مـــي