الخميس، 23 يونيو، 2016



يقولون المصاروة مثل جميل 
و هالمثل حقيقي :

لو تجري جري الوحوش 
غير رزقك ما بتحوش

يعني لو شو ما سويت رزقك و نصيبك هو مصيرك 

لكن 

و طعشر خط تحت كلمة لكن

الدعاء يغير القضاء 

ولكن 

بعض الأمور اللي حصلت لنا و اعتقدنا أنها شر
ممكن تطلع خير 
خير عظيم 

في ناس يمكن الله يمنعك عنهم لخير لك أو لخير لهم 

و ناس ممكن الله يحطهم في حياتك عقاب لك أو لهم

و في فرص ممكن تفوتك مب لأنها فاتتك 

لأنها من البداية مب لك 

و في فرص تحقق لك بكل سهولة بينما غيرك يتعب عشانها 

لأن هذا رزقك 

و خلك واثق أن رزق غيرك مب لك فلا تحسد
و خلك واثق أنك إذا لجأت لله و حمدته ، لا بد أنه بيساعدك و بيرفع عنك البلاء

---

ليست هناك تعليقات: